"Up Höcht" Roggenstede

KBV "Up Höcht" Roggenstede e.V. von 1921

Mitgliedertool to`n 31.12.2001:
Mannslü: 101
Frölü: 53
Tosammen: 154

Dat gung d`r bilang! An de een Abend 1921 in Diedrich Siebels sien Kroog up`t Höcht in Roggstee. Diedrich sien Froo Ettje kunn d`r hoost nich gegen kamen.

Johann Djuren un sien Bröer Hermann, Jann Kampen, Hermann Onken un Hinrich Onken (Hinni Piep) un Onno Engelmann. Door schull een Verein gründt worden. Een Klootscheeter- un Boßelverein.

Flüchten un Klootscheeten, dat seet siet oll Tieden in de Roggsteders. Dat wur siet Generationen verarvt. Bitt sowiet harn se immer ut Pläseer de Kloot in de Hand nahmen. Man nu schullt anners worden! Se weer`n sück ook fell eenig över de Statuten. man de Nam, dat weer de Haak. So as anner Vereins wullen se sück nich nömmen. Dat schull wat up sünner`s wee`n. Johann Djuren har nett weer een Run Söpkes bestellt, -dor har he`t, - de Nam van de Verein. "Wi sitt hier up Höcht to kakeln", meen he. "Denn wilt wi de Verein ook so nömmen, KBV "Up Höcht"!

De Vörstand wur ook wählt. Onno Engelmann wur Vörsitter. Jann Kampen wur Upschriever. Well de anner Postens kreegen hefft, is nich bekannt.

Mennigeen hett sück anner Dag argert, dat he door nich biwest is. Man Reemt Röttgers, Claas Jannsen, Eilt Behrends, Joachim un Ulrich Jochums, Bernhard Siebels, Ammo Gilbers, Bernhard Behrends un Eimo Königshoff leeten sück tomal in de nee Verein upnehmen. Denn keem de schlimme Krieg.

Na de Krieg fung dat aber weer an. Hermann Onken jun., Jürgen Onken (groot Jürn), Jürgen Onken (Jürn Fink), Eilt Meints, Christof Engelmann un Hinrich Bents weer`n de, de de Verein weer up Been hulpen.

No Johren wur`t weer stiller um "Up Höcht". Bit 1972. Dor keem d`r weer Fohrt in, als Hartwig Mammen sen. sück an`t Ruder bekeem hätt. Bit Vandoog is KBV "Up Höcht" aktiv de bi. Sörgen makt sück de Vörstand siet Johren över de Nawass. Wiet hiermit wieder geit, wett man Vandoog leider no nich. Aber een`s is seeker, wuur d`r een möö off oller, denn leeg de Kloot in jung Hannen. So geiht dat all siet Generationen. Un so schallt okk woll noch in Generationen wiedergahn mit de Klootscheeter- und Boßelverein Roggstee!

Kontakt: